«Қазгидромет» РМК алдағы үш күнге арналған ауа райы болжамын жариялады, еліміздің ірі қалаларында күн райы айтарлықтай құбылмалы болады, деп хабарлайды Qazaqtoday ақпарат агенттігі.
Астана қаласы бойынша:
8 ақпанда күн бұлтты, жауын-шашынсыз болады. Оңтүстік-батыстан, оңтүстіктен соғатын желдің жылдамдығы түнде секундына 3-8 метр, күндіз 9-14 метрге жетеді. Ауа температурасы түнде -21-23°C, күндіз -7-9°C градус аяз.
9 ақпанда күн бұлтты, күндіз жауын-шашын (жаңбыр, қар) болады, бұрқасын соғып, көктайғақ күтіледі. Оңтүстіктен соғатын желдің жылдамдығы секундына 9-14 метр, екпіні 15-20 м/с жетеді. Ауа температурасы түнде -8-10°C, күндіз -1…+1°C.
10 ақпанда көшпелі бұлтты, мезгіл-мезгіл жауын-шашын (жаңбыр, қар) болады, бұрқасын соғып, көктайғақ сақталады. Оңтүстік-батыстан соғатын желдің жылдамдығы секундына 9-14 метр, екпіні 15-20 м/с құрайды. Ауа температурасы түнде және күндіз -1…+1°C шамасында болады.
Алматы қаласы бойынша:
8 ақпанда көшпелі бұлтты, түнде қар жауып, тұман түседі. Көктайғақ болады. Солтүстік-шығыстан соғатын желдің жылдамдығы секундына 2-7 метр, күндіз екпіні 10 м/с дейін жетеді. Ауа температурасы түнде -2-4°C, күндіз +1+3°C.
9 ақпанда күн бұлтты, жауын-шашынсыз. Оңтүстік-шығыстан соғатын желдің жылдамдығы секундына 5-10 метр. Ауа температурасы түнде 0…-2°C, күндіз +7+9°C жылы.
10 ақпанда көшпелі бұлтты, жауын-шашын күтілмейді. Оңтүстік-батыстан соғатын желдің жылдамдығы секундына 5-10 метр. Ауа температурасы түнде +1+3°C, күндіз +8+10°C.
Шымкент қаласы бойынша:
8 ақпанда күн бұлтты, жауын-шашынсыз. Түнде және таңертең тұман түседі. Шығыстан соғатын желдің жылдамдығы секундына 8-13 метр. Ауа температурасы түнде 0…-2°C, күндіз +12+14°C жылы.
9 ақпанда көшпелі бұлтты, күндіз жаңбыр жауады. Оңтүстіктен соғатын желдің жылдамдығы секундына 8-13 метр, күндіз екпіні 15-20 м/с жетеді. Ауа температурасы түнде +5+7°C, күндіз +14+16°C.
10 ақпанда күн бұлтты, мезгіл-мезгіл жаңбыр жаууы мүмкін. Оңтүстіктен соғатын желдің жылдамдығы секундына 8-13 метр, екпіні 15-20 м/с жетеді. Ауа температурасы түнде +6+8°C, күндіз +10+12°C болады.
Фото: Әлеуметтік желіден
