Қазақстан депорт жасаған IT маман Ресейде өмір бойына сотталуы мүмкін

Қазақстаннан шұғыл депортацияланған шетелдік IT-маман Ресейде мемлекетке опасыздық жасады деген айыппен ұсталды, деп хабарлайды Qazaqtoday ақпарат агенттігі.

25 жастағы DevOps-инженер әрі OpenAI компаниясымен серіктес болған бағдарламашыны бірнеше сағаттың ішінде Ресейге жер аударған. Оны депортациялауға «республика заңдарын құрметтемеу» себеп болғаны айтылады. Ресми түрде оған жолды белгіленбеген жерден кесіп өтті және қорқор шекті деген әкімшілік айыптар тағылған. Алайда құқық қорғаушылар бұл айыптардың қолдан жасалғанын мәлімдеп отыр.

Әдетте айларға созылатын жер аудару процедурасы бұл жолы рекордтық жылдамдықпен, бірнеше сағатта аяқталған. Ресейге ұшақпен жеткізілген бойда оны бортта бірден қамауға алған.

Қырым тумасы әрі Украина азаматы саналатын маманға Украина Қарулы Күштеріне ақша аударғаны үшін «мемлекетке опасыздық жасау» бабы бойынша айып тағылды. Енді ол өмір бойына бас бостандығынан айырылуы мүмкін.

Оның саяси себептермен қудалаудан қашып, Қазақстанға көшіп келгені белгілі болды. Алайда жергілікті биліктің жедел әрекеті салдарынан ол Ресейдің күштік құрылымдарының қолына түскен.

Фото: Әлеуметтік желіден