Қазақстан сотта жеңді: Қарашығанақ инвесторлары енді $4 млрд төлеуі мүмкін

Қарашығанақ жобасының шетелдік акционерлері халықаралық арбитражда Қазақстан үкіметінен жеңіліп, миллиардтаған доллар өтемақы төлейтін болды, деп хабарлайды Qazaqtoday ақпарат агенттігі.

Bloomberg агенттігінің мәліметінше, сот өтемақының нақты мөлшерін әлі белгілемеген. Алайда тәуелсіз заң сарапшыларының болжамы бойынша, бұл сома 2 миллиардтан 4 миллиард долларға дейін жетуі мүмкін.

Арбитраж шешімі Қазақстан үкіметінің уәжін растады. Яғни, инвесторлар «Өнімді бөлісу туралы келісім» аясында өтелмеуі тиіс артық шығындарды негізсіз өтеп келген.

«Бұл – алдын ала жеңіс, себебі акционерлер сот шешіміне шағымдана алады. Енді Қашаған бойынша арбитраждан да ел үшін осындай жақсы нәтиже күтеміз», – деп жазды NRG monitor сарапшылары.