Алаяқтар атыңызға несие ала ма? Асанов Конституцияны өзгертуді ұсынды

Сенат төрағасының орынбасары Жақып Асанов азаматтардың дербес деректерін қорғауды Конституция деңгейінде бекітуді ұсынды, деп хабарлайды Qazaqtoday ақпарат агенттігі.

Оның айтуынша, бұл қадамға еліміздегі интернет-алаяқтықтың бұрын-соңды болмаған деңгейде өршуі себеп болып отыр. Асановтың сөзінше, көшедегі қылмыс 9 есеге азайғанымен, қазір барлық қылмыс түрі цифрлық кеңістікке ауысқан.

Бұл ретте, Конституцияның жеке адамның өміріне қол сұғылмауын реттейтін 18-бабы қазіргі онлайн қатерлерді ескермейді және ескірген.

«Қорғалмаған деректер – бұл жай ғана азаматтардың жеке мәселесі емес, ұлттық қауіпсіздікке төнген тікелей қатер», — деп атап өтті Жақып Асанов.

Фото: Әлеуметтік желіден