Фото: видеодан скрин
Атырауда қатты жел салдарынан көпқабатты тұрғын үйдің қасбеті қирады. Оқиға қаладағы Нұрсая ықшамауданында орналасқан №54 үйде тіркелді, деп хабарлайды Qazaq Today ақпарат порталы.
Дауылдың екпініне шыдамаған қаптама қабырға жұлынып, ғимараттың маңайына шашылып түскен. Құлаған құрылыс бөлшектері жаяу жүргіншілер жолын жартылай жауып, тұрғындардың қауіпсіздігіне нақты қатер төндірді.
Оқиға орнына тұрғын үй-коммуналдық шаруашылық қызметкерлері жедел жетіп, аумақты тазалау жұмыстарына кірісті. Қазіргі таңда коммуналдық қызметтер аумақты қауіпсіз ету үшін тиісті шараларды қабылдап жатыр.
