Алматыда студенттерге арналған цифрлық қауіпсіздік сабақтары басталды
Дәрістер қаланың барлық негізгі ЖОО-ларында интерактивті форматта өтуде
Алматы қаласы бойынша экономикалық тергеп-тексеру департаменті қаладағы ЖОО студенттеріне арналған цифрлық қауіпсіздік сабақтарын өткізуде.
«Заң және тәртіп» нарративін іске асыру аясында Қазақстан Республикасы Қаржылық мониторинг агенттігінің Алматы қаласы бойынша Экономикалық тергеп-тексеру департаментінің қызметкерлері 2025 жылғы 12–27 қараша аралығында Алматы қаласындағы жоғары оқу орындарының студенттеріне цифрлық қауіпсіздік бойынша ауқымды лекциялар сериясын ұйымдастыруда.
Дәрістер қаланың барлық негізгі ЖОО-ларында интерактивті форматта өтуде. Оқу барысында студенттерге цифрлық алаяқтықтан қорғанудың заманауи тәсілдері, сондай-ақ мобильді құрылғылар мен онлайн-сервистерді пайдалану кезіндегі қауіптердің алдын алу бойынша практикалық әдістер түсіндіріледі.
Кибергигиена дағдыларына ерекше назар аударылады:
— смартфонды киберқауіптерден қалай қорғау керек;
— фишингтік сілтемелер мен зиянды қосымшаларды қалай анықтау керек;
— жеке деректерді қорғау үшін қандай шараларды қолдану қажет.
Сонымен қатар, экономикалық тергеп-тексеру департаментінің қызметкерлері дипфейк технологияларына байланысты қазіргі заманғы қауіптер туралы кеңінен айтып, жеке цифрлық қауіпсіздікті қамтамасыз ету жөнінде практикалық кеңестер береді.
Сабақтардың мақсаты – жастардың цифрлық сауаттылығын арттыру және ақпараттық қауіпсіздік саласындағы құқықбұзушылықтардың алдын алу.
