Самат Смақов отандық клубтардың біріне бас бапкер болуы мүмкін

Фото: Sports.kz

Қазақстандық маманның «Оқжетпес» командасының тізгінін ұстау ықтималдығы жоғары.

Себебі, көкшетаулық команда бұрынғы бас бапкері Қайрат Нұрдәулетовпен келісімшарт мерзімін ұзартпаған, деп хабарлайды Qazaq Today ақпарат порталы.

Самат Смақов 1978 жылы туған. 1997-2017 жылдары «Елімай», «Ертіс», «Жеңіс», «Қайрат», «Ақтөбе», «Ордабасы» секілді отандық, «Ростсельмаш» (Ресей), «Ризеспор» (Түркия) сияқты шетелдік клубтарда доп тепті.

2018 жылдан бері бапкерлікпен айналысып келеді. «Астана» клубының техникалық директоры болды. Семейдің «Елімай» клубын премьер-лигаға шығарғаны да бар. Өткен жылдан бері талдықорғандық «Жетісу» клубының бапкері.

Сонымен қатар, С.Смақов – Қазақстан ұлттық құрамасы сапында ең көп ойын өткізген рекордшы.

Бірнеше ай бұрын ол легионерсіз қазақ футболы құлдырайтынын айтқан болатын.