Қасым-Жомарт Тоқаев Чех Республикасын Тәуелсіздік күнімен құттықтады
Бұл туралы Ақорданың баспасөз қызметі мәлім етті, деп хабарлайды Qazaq Today ақпарат порталы.
Президент өз құттықтауында Қазақстан мен Чехия арасындағы достық пен өзара тиімді ынтымақтастықтың мықты негізі мен жоғары әлеуеті бар екеніне тоқталды. Ол екі елдің сан түрлі ықпалдастығы қос халықтың игілігі үшін нығая түсетініне сенім білдірді.
Қасым-Жомарт Тоқаев Петр Павелдің жауапты қызметіне табыс, сондай-ақ чех халқына құт-береке тіледі.
