Баян Алагөзова Қазақстанның Еңбек сіңірген қайраткері атанды
Фото: bayan_maxatkyzy/instagram
Танымал Продюсер Баян Мақсатқызы өзінің әлеуметтік желідегі парақшасында сүйінші жаңалығымен бөлісті, деп хабарлайды Qazaq Today ақпарат порталы.
Республика күніне орай ҚР Ақпарат және мәдениет министрі «ҚР Еңбек сіңірген қайраткері» атағын табыстады.
«Достар! Баршамызды келе жатқан РЕСПУБЛИКА КҮНІМЕН шын жүректен құттықтаймын!
Бүгін — менің анамның арманы орындалған күн. Мен ҚАЗАҚСТАН РЕСПУБЛИКАСЫНЫҢ ЕҢБЕК СІҢІРГЕН ҚАЙРАТКЕРІ атандым!
Бұл жоғары марапатты маған Мәдениет және ақпарат министрі Айда Ғалымқызы Балаева өз қолынан табыстады — бұл мен үшін зор мәртебе әрі үлкен жауапкершілік!
ОТАНҒА ҚЫЗМЕТ ЕТЕМІН!», — деп жазды ол.
Оқырмандары жаппай құттықтап жазуда.
