4 миллиард теңге шығын – нәтиже жоқ: Спорт саласындағы жүйелік кемшіліктер әшкере болды

2022–2024 жылдар аралығында 4 миллиард теңге көлемінде бюджет қаржысы жұмсалғанымен, 11 спорт түрінен бірде-бір медаль алынбаған. Бұл туралы Алихан Смайылов төрағалық ететін Жоғарғы аудиторлық палата ресми мәлімдеді.

Тексеру нәтижелері Қазақстандағы спорттық резерв даярлау жүйесінің тиімділігі төмен екенін көрсетті. Аудиторлардың айтуынша, салада бірқатар маңызды мәселелер бар:

• ДЮСШ-қа (балалар мен жасөспірімдер спорт мектептері) қабылдау үдерісі ашық емес;

• Спортшылар мен жаттықтырушылар бойынша бірыңғай цифрлық есеп жүргізілмейді;

• Медициналық бақылау жүйесі ескірген әрі барлық спортшыларды қамтымайды.

Жоғарғы аудиторлық палата бұл олқылықтар еліміздегі бұқаралық және кәсіби спорттың дамуына айтарлықтай кедергі келтіріп отырғанын атап өтті.

Алихан Смайыловтың пікірінше, спорт саласына бөлінген қаражаттың тиімді жұмсалуын қадағалайтын қатаң жүйе мен нақты индикаторлар қажет.