Құрбан айт намазының уақыты белгілі болды
Қазақстан мұсылмандары діни басқармасы (ҚМДБ) 2025 жылғы Құрбан айт мейрамының алғашқы күні – 6 маусым екенін жариялады, деп хабарлайды Qazaq Today ақпарат порталы.
Осыған орай, ҚМДБ еліміз бойынша Құрбан айт намазының уақытын бекітіп, кестесін ұсынды.
Құрбан айт намазының уақыты:
- Астана, Алматы, Шымкент қалаларында – сағат 6:00-де оқылады.
- Басқа өңірлердегі нақты уақыттар ҚМДБ-ның ресми сайтында жарияланған кестеде көрсетілген.
Құрбан айт – мұсылман қауымы үшін қасиетті мерекелердің бірі. Бұл күні мұсылмандар Алланың разылығы үшін құрбан шалып, мұқтаж жандарға көмектеседі. Құрбандық шалу – Алла Тағаланың берген нығметтеріне шүкіршілік білдірудің бір жолы.
