Sax Invest қаржы пирамидасы: 9 млрд теңгелік алаяқтық пен Африкадағы жалған алмаз жобасы
Sax Invest қаржы пирамидасының ұйымдастырушылары 9 млрд теңгеден астам қаражатты заңсыз иемденгені белгілі болды. Бұл туралы Qazaq.today ақпарат агенттігі Қаржы мониторингі агенттігіне (ҚМА) сілтеме жасап хабарлайды.
Фото: Baq.kz
Sax Invest қандай компания болған?
Маңғыстау облысы бойынша ҚМА департаментінің мәліметінше, Sax Invest өзін:
-
халықаралық инвестициялық қор ретінде;
-
бағалы қағаздар мен қаржы құралдарының иесі ретінде;
-
Африкадағы алмаз өндірісіне қатысушы жоба ретінде таныстырып, сенімге кірген.
Нәтижесінде мыңдаған азамат компанияға ақша салып, қаржы пирамидасының құрбанына айналған.
Қанша қаражат жиналды және қалай жұмсалды?
Тергеу деректері бойынша:
-
Компания 1000-нан астам салымшыдан 9 млрд теңгеден астам қаражат тартқан;
-
Бұл қаржының көп бөлігі Sax Invest шотына емес, ұйымдастырушы Мендығалиевтің жеке есепшотына аударылған.
Алынған қаражат келесі мақсаттарға жұмсалған:
-
Казино – 2 млрд теңге;
-
«Блайсико» компаниясындағы үлеске – 28 млн теңге;
-
Атыраудағы екі пәтерге – 70 млн теңге;
-
Жеке үй салуға – 120 млн теңге;
-
Шетелге демалысқа – 377 млн теңге;
-
Қызының Лондонда оқуына – 53 млн теңге.
Салымшыларға уәде беріп, жауапкершіліктен жалтарды
2023 жылы Мендығалиев:
-
143 салымшымен 1,2 млрд теңгенің медиативтік келісімін жасаған;
-
1000-нан астам салымшыға 7 млрд теңге қайтаруға уәде берген;
-
Алайда берген уәделерін орындамаған.
Халықаралық іздеу жарияланды, мүлікке тыйым салынды
2024 жылдың қарашасында:
-
Мендығалиевке халықаралық іздеу жарияланды;
-
Сот шешімімен күдіктілерге тиесілі 600 млн теңге көлеміндегі мүлікке тыйым салынды:
-
4 пәтер;
-
2 жеке үй;
-
2 автокөлік;
-
10 000 USDT көлеміндегі цифрлық актив;
-
ForteBank және Қазақстан Халық Банкі бағалы қағаздары.
-
Sax Invest пирамидасының өңірлік бөлімдері мен күдіктілер
-
Қаржы пирамидасының Астана, Ақтөбе, Орал және Ақтау қалаларындағы бөлімшелерін басқарған 10 күдікті анықталды;
-
Оның ішінде 7 адам қамауға алынды.
