Оралда жарылыс болып, 3 адам көз жұмды
Оралда қалалық мәдениет және демалыс саябағының жанында орналасқан гаражда жарылыс болды, деп хабарлайды Qazaq.today Ulysmedia.kz -ке сілтеме жасап.
«Мой город» басылымының жазуынша, жарылыстан үш адам қаза тапқан.
Полиция қызметкерлері мен өрт сөндірушілер дереу оқиға орнына жеткен. Өрттің салдарынан Абай даңғылынан Ихсанов көшесіне дейінгі Исатай-Махамбет көшесіндегі қозғалысты тоқтатуға тура келген.
БҚО ТЖД баспасөз қызметі хабарлағандай, 30 шаршы метр аумақ өртенді, ішінде ВАЗ-2121 жанған. Кейінірек өрт 42 шаршы метрлік жеке тұрғын үйдің шатырына жайылды. Гаражда өрт сөндірушілер үш мәйітті тауып, төрт оттегі цистернасын шығарды.
Өрт толық сөндірілді. Төтенше жағдайдың себептері мен залалын мамандар анықтауда.
Qazaq.today
