Қосылған құн салығын көтеру керек — Бектенов
Фото: yandex
Үкімет қосылған құн салығын көтеруді ұсынып отыр. Бұл туралы премьер-министр Олжас Бектенов мәлімдеді, деп хабарлайды Qazaq.today.
Оның айтуынша, негізгі салық жүктемесі еңбекақы төлеу қорына, яғни өзіндік құнына түседі.
«Тауар сөреге түскенге дейін кәсіпкер салықтың көп бөлігін төлеуге мәжбүр. Осыған байланысты Үкімет еңбекақы төлеу қорына түсетін жүктемені азайтуды ұсынады. Бұл үшін қосылған құн салығын көтеру керек. Бұл кәсіпорынның бәсекеге қабілеттігін арттырады»,- деді Бектенов үкіметтің кеңейтілген отырысында.
Қазір елімізде ҚҚС 12 пайызды құрайды.
