Қостанай облысында өрт жарылысқа айнала жаздады
Қостанай облысындағы өртті сөндіру кезінде құтқарушылар жанған үйден екі газ баллонын алып шығып, жарылыс қаупінің алдын алды. Зардап шеккендер жоқ.
Сурет: newtimes.kz
Қостанай облысындағы ауылдардың бірінде болған өрт жарылысқа ұласу қаупін туғызды. Төтенше жағдайлар министрлігінің мәліметінше, өртті сөндіру барысында құтқарушылар жанған үйден екі газ баллонын алып шығып, ықтимал жарылыс қатерінің алдын алды.
Бұл туралы Qazaqtoday.info сайты хабарлайды.
Өрт сөндірушілердің жедел әрекетінің арқасында тұтанған от толығымен сөндірілді. Зардап шеккендер жоқ. Өрттің шығу себебі анықталуда.
Бұған дейін Төтенше жағдайлар министрлігінің құтқарушылары Қостанай облысындағы жеке үйде болған өрт кезінде ықтимал жарылыстың алдын алған болатын. Олар жанған ғимараттан газ баллонын алып шыққан.
