Көкшетауда дәрігерге шабуыл жасаған ата-ана қатаң жазаланды

Көкшетауда балалар ауруханасында жанжал шығарған ата-ана сот алдында жауап берді, деп хабарлайды Qazaq.today ақпарат порталы.

Айта кетейік, 18 қаңтарда Ақмола облысында ауруханаға жеткізілген 3 жастағы баланың ата-анасы медицина қызметкерлеріне шабуыл жасаған еді.

Баланың анасы травматологты балағаттап, үстеліндегі заттарды лақтырып жіберген. Әкесі анестезиологқа балағат сөздер айтып, жағасынан жұлқылаған. Оқиғадан кейін ер адам қамауға алынды.

Үш жасар баланың анасына 30 АЕК, яғни 118 мың теңгеге жуық айыппұл салынды. Ал әкесі екі тәулікке қамауға алынды.