Қарағандыда балабақша өртенді: құтқарушылар 82 баланы көтеріп алып шықты
Қарағанды қаласының жекеменшік балабақшалардың бірінде өрт шығып, 82 бала құтқарылды, деп хабарлайды Qazaq Today ақпарат порталы.
Балабақша жертөлесінде 1 шаршы метр алаңда заттар мен электр қалқанының автоматы жанған.
«Құтқарушылардың жедел әрекеттерінің арқасында өрт жедел сөндірілді. ТЖМ күштері түтінді ғимараттан 88 адамды, оның ішінде 82 баланы тез арада эвакуациялады», — делінген хабарламада.
Оқиға орнында балаларды жылыту үшін вахтовкалар жұмылдырылған. Өрттің себебі анықталып жатыр.
