Ақтөбедегі аласапыран: белгісіз біреулер адамдарды кепілге алды

Фото: Видеодан скрин

Ақтөбеде белгісіз біреулер бірнеше адамды кепілдікте алды. Күдіктілердің адамдарды не үшін, қандай мақсатта кепілдікке алғаны  әлі белгісіз, деп хабарлайды Qazaq.today.

Желідегі мәліметтерге жүгінер болсақ, аласапыран Рысқұлбеков көшесіндегі үйлердің бірінде болып жатыр. Белгісіз біреулер жер үйге басып кіріп, тұрғындарды кепілге алған. Ал aktobe_live паблигінен оқиға орнына күш құрылымдары тартылып жатқанын көруге болады.

Оқиға орнында арнайы қызмет топтары келіссөз жүргізіп жатыр, Елді дүрліктіргендер Мәскеу ауданындағы 1905 көшесіндегі үйде отыр. Кепілдікке қыз баланың алынғаны туралы да мәлімет бар.

«Оқиға орнына төтенше жағдайлар қызметі жедел жетіп, аумақ қоршауға алынды. Полиция департаментінің басшысы мен қала прокуроры оқиға орнында, келіссөздер жүргізіліп жатыр», — деп хабарлады Ақтөбе облысының полиция департаменті.