Көкшетауда ЖЭО-ны неге ресейлік компания салады?

Ақмола облысының әкімі Марат Ахметжанов бұл сұрақтың жауабын айтты.
Жылу электр орталығы 2025 жылы басталады, деп жазады Qazaq Today ақпарат порталы.

Орталық коммуникациялар қызметінде өткен брифингте ЖЭО-нық құрылысы қашан басталатыны айтылды. Сондай-ақ, БАҚ өкілдері облыс әкімінен таңдаудың неліктен ресейлік «Интер-РАО-Эксперт» компаниясына түскенін сұраған.

– Қазір құрылыстың белсенді кезеңі жүріп жатыр. Біз ЖЭО-ның орнын анықтадық. Айта кету керек, оны үкімет 7 пайызбен 20 жыл бойы субсидиялайды. Өз субсидияларын ұсынатын басқа компаниялар жоқ. Бекітудің барлық кезеңі аяқталды. 2025 жылдың жазында ЖЭО құрылысы басталады, – деп жауап берді Марат Ахметжанов.
Еске салайық, 2024 жылдың 27 қарашасында Мәжіліс депутаттары Көкшетау, Семей және Өскеменде ресейліктердің көмірмен жұмыс істейтін жылу электр станцияларын салуын реттейтін заң жобасын қабылдаған еді.