Сиви Махмудидің бұрынғы күйеуіне іздеу жарияланды

Танымал әнші Сиви Махмудидың бұрынғы күйеуі Аңсар Қажымұханұлына іздеу жарияланды.

Фото: instagram.com/zhuldyzdar.otbasy

Жаңалықты сыбайлас жемқорлыққа қарсы іс-қимыл агенттігінің Астана қаласы бойынша департаменті мәлімдеді.

“Қазақстан Республикасының Сыбайлас жемқорлыққа қарсы іс-қимыл агенттігінің Астана қаласы бойынша департаменті іздеуді жүргізіп жатыр”, – деп жазды Құқықтық статистика және арнайы есепке алу порталы.

Әншінің директоры мән-жайды түсіндіріп берді.

“Ол кісі де жаңалықтардан естіді. Бірақ екеуі бес жылдан бері бірге тұрмайды. Ол адамның не істеп жүргенінде шаруасы жоқ. Бұрынғы өмірі”, – деп қысқа қайырды арт-директор.

Еске салайық, «Күйеуім көшенің адамы болды» деп Сиви Махмуди балаларының әкесімен ажырасып кеткенін растаған еді.