Алматыда жер сілкінісі тіркелді

Министрліктің мәліметінше, сейсмикалық станциялар желісі 03:23-те жер сілкінісін тіркеді. Эпицентр Алматыдан 264 шақырым оңтүстік-шығыста, Қытай аумағында орналасқан. Бұл туралы Qazaq.today сайты todayinfo.kz сілтеме жасап хабарлайды.

«Алматыдағы сезілу деңгейі екі балл болды. Зардап шеккендер мен қирандылар туралы ақпарат түскен жоқ», – деп хабарлады ТЖМ баспасөз қызметі.

Бұған дейін 23 қаңтарда Алматыда жер сілкінісі болды. Астана уақытымен 00 сағат 09 мин 02 секундта алматылықтар қатты жер сілкінісін сезді. Төтенше жағдайлар департаментінің мәліметінше жер асты дүмпуінің эпицентрі Алматының оңтүстік-шығысында, 264 шақырым жерде тіркелді. Магнитудасы – 6,7 балл. Бұдан соң тұрғындар қалада тағы да бірнеше жер сілкінісі сезілгенін хабарлады.