Тойда 3 мың теңгелік шәйнекке бола 103 млн теңгесін жариялаған есепшінің басы дауға қалды (ВИДЕО)
Қазақтың тойында небәрі 2-3 мың теңгелік ұтысқа бола банктегі ақшасын жариялаған есепші әйел дауға қалды. Оқырмандар есепшінің қаражатын Антикордан тексеруді талап етті, деп хабарлайды Qazaq.today.
Ойынға қатысқан қонақтардың бірі банк картасында 25 млн теңге бар екенін айтты. Ал бухгалер болып істейтін мейман банк картасында 103 млн теңге жатқанын көрсетіп, бас сыйлықты ұтып алады. Тамаданың әлеуметтік желідегі локациясына қарасақ, той Қызылорда қаласында өтуі мүмкін.
Дегенмен, видеоға пікір жазған адамдар бұл бухгалтерді шұғыл түрде Антикор тексеру керек деген пікірде қалған.
«Бухгалтерді антикор тексеруі керек. Картасында 103 млн теңге бар, бірақ тойға он мың беретін шығар. Жұмысшылардың жалақысын картасына салып алған болар. Ары таза болған соң, көрсетіп отыр ғой. Бір мекеме жұмысшыларының айлығы шығар, депозитке айналдыру үшін салып қойған шығар», — деген пікір қалдырған оқырмандар.
