Түрікменстанның Тәуелсіздік күні: Тоқаев кіші Бердімұхамедовті құттықтады

Қазақстан президенті Қасым-Жомарт Тоқаев Сердар Бердімұхамедовті Түрікменстанның Тәуелсіздік күнімен құттықтады, деп хабарлайды Qazaq.today Ақордаға сілтеме жасай отырып.

«Президент құттықтау жеделхатында Ашхабадтың мемлекеттілікті нығайтудағы жарқын жетістіктеріне тоқталып, шетелдік серіктестермен қарым-қатынаста сындарлы ұстанымға жүгінетін бейтарап Түрікменстанның халықаралық аренада зор беделге ие екенін атап өтті. Мемлекет басшысы Қазақстанның Түрікменстанмен арадағы ғасырлар бойы жалғасқан достық, тату көршілік қатынас және өзара қолдау дәстүрінен айнымай, екіжақты стратегиялық серіктестікті одан әрі тереңдетуге бейілді екенін растады», — деп хабарлады Ақорда.

Сердар Бердімұхамедов әкесі Гурбангулы Бердімұхамедовтің орнына 2022 жылдың наурызында президент болып келген