Мұғалімді тұншықтырып өлтірген: БҚО қылмыскер 12 жылға сотталды

БҚО Қылмыстық істер бойынша мамандандырылған ауданаралық сотта мұғалім Надежда Никитинаның өліміне қатысты іс қаралып аяқталды. Айыпталушы 41 жастағы Темір Сарсеновке ҰР Қылмыстық кодекстің үш бабы бойынша айып тағылған: кісі өлтіру, ұрлық және заңсыз қару сақтау. Бұған дейін прокурор айыпталушыны 12 жылға бас бостандығынан айырып, 10 миллион теңге өтемақы төлеуді сұраған еді. Сот мемлекеттік айыпталушының сұрауын толығымен қанағаттандырды, деп хабарлайды  Qazaq.today агенттігі Мой город сайтына сілтеме жасап.

Сот Темір Сарсеновты кінәлі деп тауып, орташа қауіпсіздік мекемесінде жазасын өтеумен 12 жылға бас бостандығынан айыру жазасын тағайындады. Сонымен қатар кінәлі материалдық зиян үшін 1,8 миллион теңге және моральдық шығын үшін 10 миллион теңге төлеуі тиіс. Үкімді судья Асланбек Дюсенғалиев оқыды.

Мұғалімнің қызы Кристина Мишина сот шешімімен келіспейді. Ол жазаның тым жеңіл екенін айтты.

«Қатыгездікпен жасалған өлімге 12 жылды тым аз деп санаймын», — деді мұғалімнің қызы.

Бастауыш сынып мұғалімін 25 сәуірде өз пәтерінен өлі күйінде табылған. Іс материалдарына сәйкес, 24 сәуірде Никитина компьютерін жөндеуге көмек сұрап, Сәрсеновке жүгінген. Ол келіп, жұмысты аяқтамай, келесі күні келетінін айтқан. 25 сәуірде Сарсенов ноутбугымен келіп, ұйықтайтын бөлмеде компьютерді жөндей бастаған, ал Никитина асүйде оқушымен сабақ өткізіп жатқан. Сабақтан кейін екеуі сөзге келіп, Сәрсенов Никитинаны диванға құлатып, оның кофтасының жағасымен буындырып, кейін мойнына пышақ жарақатын салған. Өлім себебі – тұншығу. Содан соң Сарсенов пәтерден алтын бұйымдарды, сөмке, әмиян, телефон және банк карталарын ұрлап кеткен. Залал көлемі 1,7 миллион теңгені құрады. Оның пәтерінен полиция қару мен оқ-дәрілерді де тапқан, оларға рұқсат болмаған. Сарсенов тергеу кезінде кінәсін мойындаған, бірақ айтқандарынан айнып, мойындауынан бас тартқан.

Фото: Медет Медресова