Ақтөбеден Алматыға шыққан ұшақ зақымданды
Фото: Canva
Air Astana әуе компаниясы Ақтөбеден Алматыға шыққан ұшақтың кешігуіне қатысты түсініктеме берді, деп хабарлайды Qazaq Today ақпарат порталы.
«16 тамызда Airbus A321 ұшағын сүйрету кезінде шассидің тұмсық тірегіндегі бекітпе зақымданған. Ақтөбе-Алматы бағыты бойынша КС866 рейсі алдымен 17 тамызға дейін кешіктіріліп, кейін тоқтатылды. Жолаушыларға билет құнын айыппұлсыз қайтару ұсынылды», — делінген ақпаратта.
Ұшақты жөндеу үшін жолаушыларды қалдырып Астанаға жеткізу туралы шешім қабылданған. Алайда, елорда әуежайының түнгі уақытта жабылуына байланысты әуекомпания рейсті 19 тамызға қалдыруға мәжбүр болған.
«Ақтөбеде ұшақтың зақымдануы басқа да ондаған рейстердің кешігуіне әкелді», — дейді Air Astana-дан.
