Атырауда ер адамнан зәбір көрген әйелдің жағдайы белгілі болды
Атырауда өзінен кіші ер адамнан зәбір көріп, ауруханаға түскен әйелдің жағдайы ауыр. Қазір науқастың бір жақ қолы мен аяғында әлсіздік бар, деп хабарлайды Qazaq.today ақпарат агенттігі.
Атырау облыстық денсаулық сақтау басқармасының баспасөз қызметінен мәлім еткендей, ер адамнан зәбір көрген әйел 9 маусымда ауруханаға түскен.
«Облыстық ауруханаға жеткзілген кезде науқастың мойыны мен иығында жарақаты болды. Қазір науқас аурухананың нейрохирургия бөлімшесінде ем алып жатыр. Оның жағдайы тұрақты, бірақ, ауыр. Бір жақ қолы мен аяғында әлсіздік бар. Бірақ, дәрігерлердің пікірінше, науқасқа операция қажет емес. Ауруханада тұрақты емін жалғастырады. Дәрігерлер науқастың жағдайын жіті бақылауда ұстап отыр», -деп хабарлады басқарманың баспасөз қызметі.
Фото: Pixabay
