Бишімбаевтың бұрынғы әйелі сот үкіміне қатысты ойын айтты

Фото: Видеодан алынған кадр/ ©️ youtube/@Assel_Kozhakova

Азаматтық некедегі әйелі Салтанат Нүкенованы өлтірді деп сотталған Қуандық Бишімбаевтың бұрынғы әйелі Назым Қаһарман сот үкіміне қатысты пікір білдірді, деп хабарлайды Qazaq Today ақпарат агенттігі.

Оның айтуынша, сот процесі оның өзіне және балаларына ауыр тиген.

«Бір жағынан әйел ретінде, осы елдің азаматы ретінде ашық сотты қолдадым, өйткені бұл процесті қоғамның сауығуы мен терапиясына қадам ретінде қабылдаймын. Екінші жағынан, сот балалар мен маған күйзеліс болып тиді, өйткені онда адамшошырлық мән-жайлар белгілі болды. Балалар мұны қабылдап, әрі қарай да өмір сүруі керек. Әлемдегі бірде-бір балаға мұны тілемеймін. Сондықтан бәрі аяқталғанына жеңілдеп қалдық. Менің ойымша, алқабилер соты істің барлық ашық және жабық материалын қарап, саналы және дұрыс шешім қабылдады», — деді Назым Қаһарман.