Олимпиада чемпионы атанған қазақ балуаны 27 жасында өмірден озды
2014 жылы Нанкинде өткен жасөспірімдер Олимпиадасының чемпионы, еркін күрес шебері Мұхамбет Қуатбек 27 жасында көз жұмды, деп хабарлады bassport.kz.
Бұл туралы әлеуметтік желідегі күреске арналған парақшалар хабарлады.
Әзірге балуанның неден көз жұмғаны белгісіз. Мұхамбет Қуатбек 2014 жылы Нанкинде өткен жасөспірімдер Олимпиадасында чемпион атанған. Ол финалда америкалық балуанды жеңді.
Жасөспірімдер арасындағы Азия чемпионы, жасөспірімдер арасындағы әлем чемпионатының қола жүлдегері. Мұхамбеттің қаза тапқанын Қазақстан күрес федерациясының баспасөз хатшысы Аспандияр Есенжолов та растады.
«АҚШ-тан қайғылы хабар жетті. Тәуелсіз Қазақстаннан шыққан тұңғыш Олимпиада чемпионы, еркін күрес шебері Мұхамбет Қуатбек бауырымыз көз жұмды. Балуанның неден қаза тапқаны белгісіз. Жақындарына көңіл айтамыз», — деді Есенжолов.
