Ауруханада науқастарға құрттаған тамақ берген
Фото: Pixabay
Балаларымен ем-дом алуға келген аналар түстік сусынды құрт-жәндікпен бірге қайнатқанын көріп шошыған. Олар тек құрты бар сусынға емес, жалпы ауруханадағы тағамға көңілі толмайтынын айтқан. Тамағы дәмсіз болғандықтан, пациенттер ас ішуден бас тартқан. Оған желінбей, тізіліп тұрған тамақ дәлел. Бұл туралы КТК телеарнасы хабарлады, деп жазады Qazaq Today ақпарат агенттігі.
Медицина мекемесіндегі тазалық та сын көтермейтін сияқты. Науқастар аурухананы тексеру керек деп жазба қалдырған. Мұны көрген санитар дәрігерлер «кешіктірмей, тексеріс бастаймыз» деп отыр.
«Аумақ басқармасымен жоспардан тыс тексеріс жүргізіледі. Ол тексеріс прокуратура органдарына тіркеліп жүргізіледі. Бұған дейін ол тексерілген, жоспарлы түрде, биыл ақпан айында. Аталған факті бойынша ондай бұзушылықтар болған емес», — деді Серік Омарханов Ақмола облысы санитария-эпидемиологияны бақылау департаменті басшысының орынбасары .
