Армения Әзербайжанның әскери позицияларына тағы да оқ атты
Әзербайжанның Қорғаныс министрлігі Армения тарапынан әскери позицияларға оқ атылғанын мәлімдеді.
Ведомство мәліметінше, Нахичеван автономды республикасы Садарак ауданындағы Гейдарабад елді мекеніне қарсы оқ атылған.
«24 ақпанда 21:40 шамасында Арарат облысындағы Ерасх елді мекеніндегі Армения қарулы күштері Әзербайжан қарулы күштерінің позициясына қарсы оқ атты », – делінген хабарламада.
Еске сала кетсек, Әзербайжан қыркүйек айында Таулы Қарабақты бақылауына алған еді. Сондай-ақ қаңтар айында Армения Әзербайжанға шабуыл жасамау туралы пактке қол қоюды ұсынды.
