Қатты желден жүк көлігі аударылып қалды
Абай облысы полиция департаменті жол-көлік оқиғасы 19 желтоқсан Омбы – Майқапшағай трассасының 913 шақырымында болғанын мәлімдеді. Апатқа ұшыраған көлік жүргізушісіне жолда кетіп бара жатқан полиция қызметкерлері көмекке келген. Ауыр жүк көлігінің жүргізушісі – Ресей Федерациясының азаматы жол қозғалысы ережелерін бұзбағанын, көлік қатты желдің салдарынан аударылғанын айтқан.
Полицейлер ауыр жүк көлігін жолға шығара алатын тиегішті алу үшін ЖШС-лердің біріне жүгінген. Кюветтен ауыр жүкті шығару операциясын толық сүйемелдей отырып, тәртіп сақшылары көлікті жақын маңдағы елді мекенге дейін жеткізген.
