Қазақстандықтар Тайландта адам азаптады және тонады деп айыпталуда
Үш қазақстандық ресейлік MMA балуаны Хусейн Асхабовпен және оның егіз інісімен сөз байласқан, деп хабарлайды Qazaq.today Ulysmedia.kz-ке сілтеме жасап.
Жергілікті БАҚ жазғандай, қазақстандықтар Асхабовпен және оның бауырымен сөз байласып, Пхукеттегі Италия азаматының вилласына кіріп, оны байлап, белгілі бір ақпарат алу үшін бірнеше сағат бойы ұрып-соққан.
Содан кейін қазақстандықтар Дубайға ұшып, өздерімен бірге жүздеген миллион теңге алып кеткен. Тергеу олар Қазақстанға оралды деп санайды.
Ал спортшы ағасымен бірге Тайландта ұсталды. Ресми түрде олар тонау және азаптау арқылы қатыгез шабуыл жасады деп айыпталды.
Полицияның мәліметінше, итальяндықтан элиталық сағаттар, қымбат гаджеттер, төлқұжат, қолма-қол ақша және карта алынған. Сонымен қатар олар оның телефондары мен компьютерлеріне қол жеткізген.
ҚР СІМ әлі бұл ақпаратқа қатысты түсініктеме берген жоқ.
Естеріңізге сала кетейік, бұған дейін қазақстандық ерлі-зайыпты Оңтүстік Кореяда қамауға алынған болатын.
Qazaq.today
