Ақтөбеде неке сарайына келген 26 жастағы келіншекті бұрынғы күйеуі пышақтап кетті
Фото: pixabay
Ақтөбе қаласындағы неке сарайында 26 жастағы қыз пышақ жарақатынан көз жұмды. Оны өлтірді деген күдікпен бұрынғы күйеуі ұсталды, деп хабарлайды Qazaqtoday.info.
Куәгерлердің айтуынша, марқұм Неке сарайына қазіргі сүйіктісімен бірге келген.
Ақтөбе облыстық полиция департаментінің мәліметінше, күдікті оқиғадан кейін көп ұзамай қолға түскен.
«Жедел-іздестіру шаралары барысында күдікті оқиға ізін суытпай анықталып, ұсталды. Қазіргі уақытта ол уақытша ұстау изоляторына қамалды. Оқиғаның барлық мән-жайы мен қылмыстың себептерін анықтауға бағытталған тергеу амалдары жүргізіліп жатыр», – деп хабарлады полиция.
Аталған факті бойынша адам өлтіру дерегімен қылмыстық іс қозғалды.
