Шымкентте Қайрат Нұртастың концертіне билет шамадан тыс сатылып, 18 жастағы қыз зардап шекті
Шымкентте 10 қазанда Қайрат Нұртастың концертіне билеттер шамадан тыс сатылып, 18 жастағы қыз зардап шекті. Ұйымдастырушы ұсталып, тергеу жүргізілуде.
Фото: ЖИ/ MadeniPortal.kz
Шымкентте 10 қазанда өткен Қайрат Нұртастың концертіне сатылған билеттер саны концерт алаңының рұқсат етілген сыйымдылығынан едәуір асып кетті. Бұл туралы MadeniPortal.kz хабарлайды.
Бұл туралы Qazaqtoday.info сайты хабарлайды.
Полицияның алдын ала мәліметінше, билеттердің шамадан тыс көп сатылуы салдарынан адамдар көп жиналып, көрермендердің қауіпсіздігіне қатер төнген.
«Адамдардың қысылып қалуы салдарынан 18 жастағы қыз зардап шегіп, ауруханаға жеткізілді. Концерт ұйымдастырушысы, 1984 жылы туған Л. есімді азамат ұсталып, уақытша ұстау изоляторына қамалды», – делінген полиция хабарламасында.
Сонымен қатар тәртіп сақшылары әлеуметтік желілерде тараған адамдардың қаза тапқаны туралы ақпаратты жоққа шығарды. Ресми мәліметке сәйкес, оқиға салдарынан көз жұмғандар жоқ.
Қазіргі уақытта аталған жағдайға байланысты тергеу жүргізіліп жатыр. Іс Шымкент қалалық Полиция департаменті басшылығының бақылауында.
