«Ұйқы бермей жатыр»: Бектенов түнде жұрттың тыныштығын бұзатын жүргізушілерге қатаң шара қолдануды тапсырды

Бектенов түнде жұрттың тыныштығын бұзатын жүргізушілерге қатаң шара қолдануды тапсырды, деп хабарлайды Qazaqtoday.info ақпарат порталы. 

Премьер-министр Олжас Бектенов түнгі уақытта қатты шу шығаратын мотоциклдер мен автокөліктер мәселесіне назар аударды.

Үкімет басшысы мұндай көліктер тұрғындардың тыныштығын бұзып, ұйықтауына кедергі келтіретінін айтты. Осыған байланысты Ішкі істер министрлігіне тәртіп бұзған жүргізушілерге қатысты қатаң шара қолдану тапсырылды.

Бұған дейін де Үкімет жолдағы тәртіпті күшейтіп, жүргізушілердің ережені камера бар жерде ғана емес, үнемі сақтау қажеттігін атап өткен.