Алматыдағы тоғыз қабатты үйде өрт: 26 адам құтқарылып, 40 адам эвакуацияланды
Алматының Ақсай-1А шағынауданында тоғыз қабатты үйдің төртінші қабатынан өрт шығып, 26 адам құтқарылды, 40 адам эвакуацияланды. Өрт жарты сағатта сөндірілді.
Сурет: Видеодан скриншот
Бүгін таңертең Алматы қаласының Әуезов ауданындағы Ақсай-1А шағынауданында орналасқан тоғыз қабатты тұрғын үйдің төртінші қабатындағы пәтерден өрт шықты. Төтенше жағдайлар департаментінің құтқарушылары автосаты, құтқару қалпақтары және баспалдақ арқылы 26 адамды, оның ішінде екі баланы аман алып қалды. Сондай-ақ 40 адам эвакуацияланды.
Бұл туралы Qazaqtoday.info сайты хабарлайды.
Өрт аумағы 20 шаршы метрді құрады. Жалын жарты сағат ішінде сөндірілді. Зардап шеккендер жоқ. Өрттің шығу себебі анықталып жатыр.
