«Үш күн болды»: Зайсан көлінде жоғалған екі балықшыны іздеу неге созылып кетті?

Фото: видеодан скрин

Тарбағатай ауданының Тұғыл ауылдық округінде Зайсан көліне балық аулауға шыққан екі ер адам үш күннен бері табылмай жатыр, деп жазады Qazaqtoday.info ақпарат порталы.

Үш балықшы мінген қайық қатты желден аударылып, олардың біреуі жағаға өздігінен жүзіп шығып, жергілікті тұрғындардың көмегімен құтқарылған. Ал 1968 және 1995 жылы туған екі ер адам суға батып кеткен, олардың үстінде құтқару кеудешелері болмаған. ШҚО ТЖД мәліметінше, іздеуге құтқарушылар, дрондар, катерлер, жүзу құралдары және суасты дроны жұмылдырылып, оқиға орнында жедел штаб құрылған. Алайда ауыл тұрғыны Аяулым Қожахметова әлеуметтік желіде іздеу жұмыстарын күшейтіп, қосымша техника мен күш тартуды сұрап отыр. Қазір құтқарушылармен бірге жергілікті тұрғындар да өз қайықтарымен іздеуге қатысып жатыр.

Видео: @bizdin_oskemen