«10 макарон, жарты кесе сусын»: Көкшетауда ата-аналар балабақшадағы тамаққа шағымданды

Фото: видеодан скрин

Көкшетаудағы «Мерей» балабақшасының «Көркем» тобына баратын балалардың ата-аналары берілетін тамақтың көлемі мен сапасына шағымданды, деп хабарлайды Qazaqtoday.info ақпарат порталы. 

Олардың айтуынша, меңгеруші ауысқаннан кейін ас мәзірі жеңілдеп, порция азайған, сиыр еті алынып, ряженка қант қосылған айранмен, ал сары май спредпен алмастырылған. Бес жастағы балаларға шамамен жарты ожау ботқа, он шақты макарон және жарты кесеге жетпейтін сусын берілетіні айтылған. Ата-аналар осыдан кейін балаларының үйге қарны ашып келетінін жеткізді. Сондай-ақ олар балабақша басшылығы мәселені шешудің орнына ақпаратты әлеуметтік желіге кім таратқанын анықтауға тырысып жатқанын мәлімдеді. Ата-аналар енді қалалық білім бөлімінен балалардың тамақтануы белгіленген талаптарға сай ма, жоқ па деген сұраққа нақты жауап күтеді.

Видео: @newslife.kz