«Қазгидромет» 12 қыркүйекте үш қалада қолайсыз метеожағдай болады деп болжады
«Қазгидромет» 12 қыркүйекте Алматы, түнде Ақтөбе мен Атырауда қолайсыз метеожағдай болатынын хабарлады. Ауа сапасы нашарлауы мүмкін.
Сурет: istockphoto
«Қазгидромет» еліміздегі ауа сапасына қатысты болжамын жариялады. 12 қыркүйекте Алматы, түнде Ақтөбе мен Атырау қалаларында қолайсыз метеорологиялық жағдайлар күтіледі.
Бұл туралы Qazaqtoday.info сайты хабарлайды.
Қолайсыз метеорологиялық жағдайлар — атмосфералық ауаның беткі қабатында зиянды (ластаушы) заттардың шоғырлануына ықпал ететін қысқамерзімді метеофакторлардың (тымық ауа райы, жеңіл жел, тұман, инверсия) жиынтығы.
Қолайсыз метеорологиялық жағдай кезінде елді мекендердегі атмосфералық ауаның сапасы нашарлауы ықтимал.
