«Бернли» Дастан Сатпаевты «Мидлсбро» матчының афишасына шығарды

Англияның «Бернли» клубы Чемпионшиптің төртінші турындағы «Мидлсброға» қарсы үйдегі ойынының промосында Қазақстан құрамасының 18 жастағы шабуылшысы Дастан Сатпаевты таңдады.

Бұл туралы Qazaqtoday.info сайты хабарлайды.

Қазақстандық футболшы «Терф Мур» стадионында өтетін матчқа арналған ресми афишада пайда болды.

Ойын 2-3 қыркүйек арасындағы түні Қазақстан уақытымен сағат 00:00-де басталады.

Сатпаев «Бернли» сапында үш матч өткізген, алайда әзірге гол немесе нәтижелі паспен көзге түскен жоқ.