Нұржан Жұмабай жасөспірімдер арасында әлем чемпионы атанып, рекорд жаңартты
Қазақстандық ауыр атлет Нұржан Жұмабай жасөспірімдер арасындағы әлем чемпионатында 88 келі салмақта жеңіске жетіп, серпе көтеруде әлем рекордын жаңартты.
Қазақстандық ауыр атлет Нұржан Жұмабай Колумбияның Кали қаласында өтіп жатқан жасөспірімдер арасындағы әлем чемпионатында жеңіске жетті, деп хабарлайды Qazaqtoday.info сайты.
Нұржан Жұмабай 88 келіге дейінгі салмақ дәрежесінде сынға түсті. Ол қоссайыс қорытындысы бойынша 348 (155+193) келіні бағындырды. Сонымен қатар серпе көтеруде әлем рекордын жаңартты.
Күміс жүлдеге испаниялық Эрик Гуадамуд 344 (156+188) келі нәтижемен ие болды. Ал мексикалық Хосе Мантилья 335 (151+184) келімен үздік үштікті түйіндеді.
