Қостанай облысындағы ауыл сусыз отыр
Фото: видеодан скрин
Қостанай облысы Алтынсарин ауданына қарасты Первомайск ауылының тұрғындары ауыз су зарын тартып жатыр. Жұрттың айтуынша, тіршілік нәрі тек белгілі бір сағаттарда ғана беріледі, деп хабарлайды Qazaqtoday.info ақпарат порталы.
Оның өзінде судың қысымы тым әлсіз, бір фляганы толтыру үшін тұрғындар 40 минут уақытын жоғалтуға мәжбүр. Әлеуметтік желіде тараған кадрлардан құдықтардағы су деңгейінің тым төмен екені анық көрінеді. Ауыл халқы бұл мәселені айтып, жауапты мекемелердің есігін бірнеше рет қаққан.
Алайда, халықтың жанайқайына құлақ асқан шенеуніктер әлі күнге дейін табылар емес. Құрғақ уәдеден шаршаған бұқара облыс әкімі Құмар Ақсақалов пен ауыл әкімі Марат Арманнан нақты әрі шұғыл көмек күтеді.
Видео: halyqpress.kz
