Тоқаев Трамптың өкілімен кездесті: АҚШ-пен стратегиялық серіктестік талқыланды
Президент Қасым-Жомарт Тоқаев Дональд Трамптың өкілі Серджио Горды қабылдап, АҚШ-пен стратегиялық серіктестікті нығайту жайын талқылады.
Мемлекет басшысы Қасым-Жомарт Тоқаев АҚШ Президентінің Оңтүстік және Орталық Азия бойынша арнайы өкілі Серджио Горды қабылдады. Кездесу барысында Қазақстан мен Америка Құрама Штаттары арасындағы кеңейтілген стратегиялық серіктестікті одан әрі нығайту мәселелері талқыланды деп хабарлайды Qazaqtoday.info сайты.
Президент екіжақты ынтымақтастықтың жоғары деңгейін атап өтіп, аса маңызды минералдар бойынша C5+1 диалогына қатысуын құптады. Оның айтуынша, бұл АҚШ-тың Қазақстанмен және бүкіл Орталық Азиямен ынтымақтастыққа стратегиялық мән беретінін көрсетеді. Мемлекет басшысы Серджио Гор арқылы АҚШ Президенті Дональд Трампқа ізгі тілегін жолдап, жыл соңына дейін кездесуге үмітті екенін жеткізді. Сонымен қатар Майамиде өтетін G20 саммитіне шақырғаны үшін ризашылығын білдірді.
