Трампқа шабуыл: 31 жастағы мұғалімнің мақсаты белгілі болды

АҚШ президенті Дональд Трампқа қастандық жасады деген күдікпен ұсталған 31 жастағы Коул Аллен 27 сәуірде сот алдында жауап береді, деп хабарлайды Qazaqtoday ақпарат агенттігі.

Калифорниялық мұғалімге федералды офицерге шабуыл жасау және атыс қаруын екі рет қолдану баптары бойынша ресми айып тағылды. Колумбия округі прокурорының мәліметінше, ұсталған азамат жалғыз әрекет етіп, барынша көп зиян келтіруді көздеген.

Тергеу Алленнің Washington Hilton қонақүйінің күзет бекетінен мылтық, тапанша және бірнеше пышақпен қаруланып өткенін анықтады. Бір қызығы, ол атыс қаруын соңғы үш жылда заңды түрде сатып алған болып шықты.

Еске салсақ, оқиға Дональд Трамп халық алдында сөз сөйлеп тұрған кезде болған. АҚШ Құпия қызметі президентті дереу қауіпсіз жерге көшірген.

Фото: Әлеуметтік желіден