Яна Легкодимованың өліміне кінәлілердің жазасын қайда өтейтіні белгілі болды
Коллаж: Kazinform / Freepik / Legkodimova_ / Instagram
Яна Легкодимованы өлтіргені үшін өмір бойына сотталған Ризуан Қайыржанов пен Алтынбек Катимов Қостанай облысында орналасқан «Қара бүркіт» түрмесіне жіберілді. Бұл туралы QazaqToday.info ақпараттық порталы хабарлайды.
Бұл ақпаратты Атырау облысы бойынша қылмыстық-атқару жүйесі департаменті растады.
Алдын ала мәлімет бойынша, уақытша ұстау изоляторында қамауда отырған екі айыпталушы 19 сәуір күні арнайы вагонмен түрмеге жіберілген.
Еске салайық, Ризуан Хайыржанов пен Алтынбек Катимовқа қатысты сотүкімі 2025 жылдың 17 қарашасында шықты. Сот оларды жәбірленушіні аса қатыгездікпен өлтіргені үшін кінәлі деп танып, өмір бойына бас бостандығынан айыру жазасын тағайындаған.
