«Басыма тапанша тақады»: Боксшы Шынәлиевтің арызынан кейін іс қозғалды
Фото: Еркебұлан Шынәлиевтің парақшасынан
Олимпиада ойындарының қола жүлдегері Еркебұлан Шынәлиевтің арызы негізінде қылмыстық іс қозғалды. Бұл туралы Мәжіліс кулуарында Бас прокурордың орынбасары Ғалымжан Қойгелдиев мәлімдеді. Бұл туралы QazaqToday.info ақпараттық порталы хабарлайды.
Оның айтуынша, іс «адам ұрлау» бабы бойынша тіркелген. Қазіргі таңда сотқа дейінгі тергеу амалдары жүргізіліп жатыр.
Прокуратура өкілі оқиғаға қатысы бар күдіктілерді анықтау жұмыстары жүріп жатқанын жеткізді. Сонымен қатар оларды Қазақстанға қайтару мәселесі де қарастырылуда.
Осыған байланысты Түркия Республикасының құзырлы органдарына ресми құқықтық көмек туралы сұрау жолданған. Тергеу барысы бақылауда екені айтылды.
Құқық қорғау органдары істің барлық мән-жайын жан-жақты тексеріп жатқанын хабарлады.
