Қазақстан мен Пәкістан жаңа дәуірге қадам басты: Сауда мен көлік дәлізі талқыланды
Президент Тоқаев Пәкістан премьер-министрімен кездесті. Тараптар сауда, көлік, энергетика және ауыл шаруашылығы саласындағы ынтымақтастықты талқылады.
Мемлекет басшысы Қасым-Жомарт Тоқаев пен Пәкістан Премьер-министрі Шахбаз Шариф шағын құрамда келіссөз өткізді, деп хабарлайды Qazaqtoday ақпарат агенттігі.
Кездесуде тараптар соңғы жылдары екі ел арасындағы көпжақты ынтымақтастықтың қарқынды дамып келе жатқанын атап өтті. Саяси диалогпен қатар, сауда-экономикалық, инвестициялық және мәдени-гуманитарлық байланыстарды нығайтудың болашағы зор бағыттары сөз болды.
Келіссөз барысында сауда айналымын арттыру, көлік-логистика мүмкіндіктерін кеңейту, сондай-ақ энергетика, ауыл шаруашылығы, цифрландыру, ғарыш және қаржы салаларындағы қарым-қатынасты тереңдету мәселесіне ерекше назар аударылды.
Сонымен қатар, Қасым-Жомарт Тоқаев пен Шахбаз Шариф өңірлік және халықаралық күн тәртібіндегі өзекті мәселелер бойынша пікір алмасып, ортақ ұстанымдарын нақтылады.
Фото: Әлеуметтік желіден
