Қазақстанда жерді жалға алу ережесі өзгерді: Енді фермерлерге жаңа талап бар
Қазақстанда ауыл шаруашылығы жерлерін жалға алу ережелері өзгерді. 2025 жылдан бастап фермерлер 5 жылдық инвестиция жоспарын көрсетуге міндеттеледі.
Қазақстанда ауыл шаруашылығы жерлерін жалға берудің жаңа тәртібі енгізілді. Енді 2025 жылдың тамызынан бастап үміткерлер жерді игерудің алғашқы бес жылында әр гектарға салатын инвестиция көлемін көрсетуге міндетті болады, деп хабарлайды Qazaqtoday ақпарат агенттігі.
Конкурста қосымша ұпай алу үшін үміткердің ауыл шаруашылығы техникасы мен жабдықтары, мал басының саны және білікті мамандарының болуы сияқты критерийлер ескеріледі.
Жер ресурстарын басқару комитетінің төрағасы Мұрат Теміржанов бұл өзгерістердің мақсатын түсіндірді.
«Жаңа ережелер конкурстың ашық әрі тиімді өтуін қамтамасыз етуге бағытталған», — деді ведомство басшысы.
