Екібастұздағы жұмбақ оқиға: Екі жасөспірім бірінен соң бірі өзіне қол жұмсаған

Екібастұзда кәмелетке толмаған екі жасөспірім өз-өзіне қол жұмсады. Полиция аталған фактілер бойынша қылмыстық іс қозғады, деп хабарлайды Qazaqtoday ақпарат агенттігі.

Павлодар облысының Полиция департаменті қайғылы оқиғаларға қатысты тергеу басталғанын растады.

«Оқиғаның мән-жайы мен себептері тергеу барысында анықталады», – делінген ресми хабарламада.

Әлеуметтік желідегі мәліметтерге сәйкес, екі суицид әртүрлі күні болған. Алайда ресми органдар бұл ақпаратты әзірге растаған жоқ. Тергеу мүддесіне байланысты басқа деректер жария етілмейді.