Атырауда дабыл қағылды: Ауадағы улы газ мөлшері 36 есеге дейін көбейген

Атырау облысында ауа сапасына жүргізілген тексеру жұмыстарының нәтижесінде бірнеше ауданда күкіртсутек мөлшерінің рұқсат етілген шектен ондаған есе асып кеткені белгілі болды, деп хабарлайды Qazaqtoday ақпарат агенттігі.

Мамандар атмосфералық ауа сынамаларын Тасқала ауылы мен «Химпоселок» ықшам ауданынан алған. Тексеру қорытындысы ауада улы газдың қауіпті деңгейге жеткенін көрсетті.

«Кеңөзек ауылдық округіне қарасты Тасқала ауылында күкіртсутек концентрациясының 17,5 есеге, оған іргелес аумақта – 15 есеге, ал «Химпоселок» ықшам ауданында 36,3 есеге артқаны тіркелді», — делінген ресми хабарламада.

Тексеру нәтижесінде жиналған барлық дерек тиісті шараларды қабылдау үшін жауапты мемлекеттік органдарға жолданды.

Фото: Әлеуметтік желіден